https://www.secretnewsurdu.com 67

لاہور: فیکٹری ملازم کے اکاؤنٹ سے 50 لاکھ روپے نکل آئے

تفصیلات کے مطابق لاہور کے علاقے فیروز والا کے رہائشی علی احسن کے جعلی اکاؤنٹ سے 50 لاکھ روپے نکل آئے، علی احسن کو قومی احتساب بیورو (نیب) نے 24 اپریل کو طلب کرلیا۔

ذرائع کے مطابق علی احسن کو اسپیکر سندھ اسمبلی آغا سراج درانی ودیگر کے خلاف کیس کی تحقیقات کے لیے طلب کیا گیا ہے۔

علی احسن کا کہنا ہے کہ کیمیکل فیکٹری میں معمولی تنخواہ پر ملازم ہوں، میرا کسی بھی بینک میں اکاؤنٹ موجود نہیں ہے۔

فیکٹری ملازم کا کہنا تھا کہ میرے اکاؤنٹ میں پچاس لاکھ روپے کیسے آئے اس بات کا مجھے علم نہیں ہے۔

علی احسن کا کہنا تھا کہ لاہور کا رہائشی ہوں، شاہدرہ میں نوکری کرتا ہوں، انٹر پاس ہوں، میری والدہ سلائی کا کام کرتی ہیں، غریب آدمی ہوں مجھے نیب کا نوٹس ملا، نیب کا اہلکار نوٹس دینے سادے کپڑوں میں آیا، اس سے پہلے کبھی کراچی نہیں گیا۔

اس خبر پر اپنی رائے کا اظہار کریں

اپنا تبصرہ بھیجیں